خليفة عودة
عندي صديق مريض صار فتره وقبل يومين صارت حالته تعبانه وممكن يودع لاسامح الله وعمره طويل ان شاء الله البارحه خابرته اغيرله جو شويه اضحكه ! گلتله مالك شغل بحچي الاطباء والناس اطلع افتر غير جو وديربالك واحد يگلك بطل الجگاير ويضحك عليك ! گام يضحك وگال لايابه تحچي صدگ ابطل الجگاير ! گلتله اي عفيه ! وهو يضحك گال اگلك اريد منك شغله ؟ گلتله اامرني گال اريد تدير بالك عل بنتي !!! اني من بعد هاي الكلمه انهاريت وبعد مااگدر الزم التليفون ولساني تلعثم بين اگله بعيوني اخليها مثل بنتي وبين اگله شنو هل الحچي گلتله شويه واخابرك جاي يتصلون عليه ! وسديت التليفون واني مختنگ من حچايته ! اتخيل مايفكر بالموت يفكر بلبة گلبه ! واتخيل يجي انسان كل سنه يشوف ابنه مذبوح عل الطريقة الاسلامية وتجي روحه يم الجرف تسلم عليه خلي روحك بهذا الموقف