الكاتب : عودة خليف
قبل فترة زوجتي تعرفت عل بنية عن طريق الجيران تصير گرايبهم والبنيه منفصلة عن زوجها صار ثلث سنوات تقريبا وعدهم بس بنيه وحده جانت بالروضه وهسه بالمدرسه ! وبدت تسولف وياهه سوالف الفراق وشلون تعيش بتها وبتها شلون مكسورة النفس گدام البنات لان ابوها وامها منفصلين ! وبدت ام امير تقرا براسها يوميا او كل اسبوع يااا ومحد يفيدج ومحد يوكفلج لااخو ولا ابو وباچر شلون ! وبعد الجهد والجهيد ووساطة رجعو لبعضهم ! تگول اني مافرحانه لنفسي اني جاي اباوع لتصرفات الطفله من يرجع ابوها للبيت وجايب شي وياه شلون تركص من الفرحه ! مو بس هاي تروح لزميلاتها بالمدرسه تطلع من الجنطه شغلات تگلهم بابا جابهن عود حتى تغورهن وهي عايشه اللحظه !
الله يدخل الساعه الرحمانيه على قلوب الناس