فاز بالمستقبل من كان جسور
عودة خليف
انت شاب ومن حقك تتعين بس اذا التعيين ماكو واذا اكو فهو بالواسطات وانت ماعندك واسطه شسوي بهاي الحاله ؟تگعد تون ونين ؟ تعال نسولف شويه
الزمن تغير وكل المهن اليوم محترمة ومرغوبه كهربائي ، تصليح سبالت ، نجار ، شد غرف نوم ، ستلايت ، انترنيت ، وووو عشرات المهن . اتحداك اذا احد من هاي المهن يطلعلك نفس اليوم اذا مو حجز . اذا تريد تتعلمها ماتطول عندك شهر وتصير اسطه ! هواي طرق للتعليم منها اليوتيوب ومنها تروح لاي ابو مهنه يعلمك او تدخل دوره ! وبعدها راح تكون امعلم وعندك محل و صناع ! اتحداك اليوم تخابر على واحد منهم ويگلك فارغ ربي يرزقهم ! هذا الطريق والتجارب الي جاي تشوفها گدامك وانت مو غيرك راح يحدد مستقبلك .