عودة خليف
گبل فتره نزلو يمنا عائلة ايتام ابوهم شاب متوفي ولد وبنيه اعمارهم سن المراهقه يعني بالاربطعش تقريبا بس متربين تربيه جيده . ظليت اتابعهم واسألهم عن الدراسه عن الشغل عن كلشي وبعدها ظليت احاسبهم مثلا الگي البنيه بالاسواق اگلها شعندج هنا يله اشتري ولاتظلين واگفه انسعدت وگالت اي عمو صار ! مثلا الولد انت ليش ماخذ هاي الدرجه بالمدرسه ! مره ثانيه اريد درجه اعلى ! هو يشعر بالارتياح بالمراقبه وگال اي عمو صار ! گبل شويه لگيته هو واخته يتمشون جايين من مكان صحتله شعدكم هنا وين چنتو ! عمو چنا نشتري من ذيچ الاسواق براس الشارع ! يله روحو للبيت ! فرحو وگالو اي عمو صار !
الخلاصه انه اليتيم اذا شاف واحد يراقبه ويحاسبه من باب الابوه يحس بالارتياح وتعويض افتراضي عن الاب يشعر بيه انه كائن موجود وغير مهمل وان المجتمع لم يتخلى عنه .